Ardi esnedun edo, esnedun edo haragitako behi hazlea baldin bazira, deitzen ahal gaituzu bazken kudeatzeko laguntza ukaiteko : razioen oreka, lurren erabilera, belar bazkaren bilana, bazka berrien sartzea…
BAZKA
Bazka autonomia, laborantza herrikoi proiektuaren zentroan da. Belar eremu haundiarekin, Euskal Herria belar bazka leku inportantea da. Abantaila horrekin ere, etxaldeen elikadura autonomia arte arribatzera helburu haundia da, bereziki proteina autonomira heltzeko. Horrentzat, Euskal herriko Laborantza Ganbarak laborariak segitzen ditu eta formakuntza eta fitxa teknikoak proposatzen ditu : belar bazkaren balioa hobetzeko sabaian idortze teknika, alha aldizkatze dinamikoa pentzeen erabilpena optimizatzeko, proteina alorrak (soja, ekilili, kolza) proteinaz aberatsa den etxeko bazka ekoizteko...
Razioeri gogoetatzeko laguntza
Sabaian idortze teknika
Belar bazka sabaian idortzea gero eta gehiago garatzen da Euskal Herrian. Belarra goizik mozten eta biltzen da, hazkurri balioa gorenean delarik.
Belarrak ez dira pentzean idortzen baina segidan bilduak sabaian idorrarazteko. Horrentzat teilatu azpian, eguzkiaren energia erabiltzen da.
Maiz, sabaian idortze teknikarekin, proteina alorrak plantan ezartzen dira, luzerna bezala adibidez.
LE SÉCHAGE EN GRANGE
Alha aldizkatze dinamikoa
Alhapide teknika horrek, pentzeen kudeaketa hobetzen du, mementu onean erabiliz eta emaitzak emendatuz.
Eco 2-rekin elkarlanean (http://innov-eco2.fr/), Euskal Herriko Laborantza Ganbarak teknika horrekin hasi nahi duten laborariak laguntzen ditu !
Alha aldizkatze sistemak printzipio sinple batzuz osatua da :
– denbora labur batez karkamendu haundia errezebitzen dute korrale ttipiak erabiliak dira
– berriz etortzeko denbora, sasoinaren arabera eramana da, belarra berriz pusa dadin : 20 egun udaberrian, 60 egun arte neguan !
– korraleka, alhatze denborak ez du 3 egun baino gehiago iraun behar, muskiltzeak ez hunkitzeko eta pentzeak ez murrizteko.
Alha aldizkatze dinamikoaren liburuxka
Proteina alorrak
Belarra baldin bada ere alorra gehiengoa, gero eta gehiago laborarik ekilili, kolza edo eta soja alorrak hasiak dituzte.
Nouste Ekilili kooperatibaren sortzearekin (http://nousteekilili.jimdo.com), ekilli eta kolzak gero eta gehiago agertzen dira. Laborariek balio erantsia sortzen dute elikadurendako olioa salduz eta proteinaz aberatsak diren turtoak erabiliz.
Soja alorrak berrikiago hasiak dira baina hazien berotze teknikarekin ( digeritzea hobetzen eta proteika balioa emendatzen duena), segur da fite garatuko dela gure lurraldean.
TOURTEAUX FERMIERS
Mendiko belar baliabideak
Mendiko alhaguneak eta bereziki « arteko eremuak » Euskal Herriko paisaren eta bere laborantzaren parte inportante bat errepresentatzen dute. Baina, heien balorea untsa estimatua dea?
Mendiko alhagune eta larreek jokagai ainitzeri erantzuten ahal dute : Kabalen elikadura gastuak beititu, tokiko belar baliabideak erabili, sasitzea mugatu alhatzeari esker… Gainera, kabalek naturalki eta gustoki jaten dituzte sasiak ! Artzain lanari esker, kabalek sasiak erreski jaten dituzte eta pentzeetako belarren hazkurri balio berdina ukanez !
2016-ean, Euskal Herriko Laborantza Ganbarak larreen eta mendiko belar baliabideen kudeaketari buruzko lan bat haisia du. Michel Meuret (INRA-ko ikerketa zuzendaria) etorrarazi du alhatze teknikek eta artzaingoak mendiko belar baliabideak balioztatzen dituztela aurkezteko.
2018 urteko udaberrian, Euskal Herriko Laborantza Ganbarak, mendiko alhaguneen kudeaketari buruz formakuntza bat proposatuko du, BLE eta Garaziko mendi elkargoarekin elkarlanduz.
FAIRE PÂTURER DES SITES NATURELS
Egileak:
– Cyril Agreil & Michel Meuret (INRA Avignon – agreil@avignon.inra.fr)
– Mathieu Millot (FCEN – animateur CTT Pâturage – m.millot@cren-lorraine.fr)
Kontaktua
Olivia Bidart / Clémentine Rolland
–
olivia@ehlgbai.org / clementine@ehlgbai.org
05 59 37 18 82