Bertakoa eta Herriko haragia

Herriko haragia sailak eta Bertakoak apairu berezi bat kozinatuko dute Euskal Herriko hainbat kantinentzat.

2019ko maiatzaren 28an, asteartez, Herriko haragiazko bazkari berezi bat apailatuko da Bertakoa sukaldean, lurraldeko 4000 ikasleentzat !

Vivien Durand sukaldariak eta Ronan Lagadec xokoleta egileak bazkaria prestatuko dute. Herriko aratxeki ixterrak 15 orenez egosiak izanen dira karia hortarako.

Ikastetxeetako kantinen hornitze moldea (hurbilekoa ? tokiko ekoizpenekin ?) aipatzeko parada izanen da.

Herriko izeneko behiki eta aratxeki saila aurkeztuko da ere. Herriko haragiak 6 urteak laster ospatuko ditu eta ostalaritza kolektiboarekin geroz eta gehiago lan egiten du.